為什麼要告訴我

前天一位舊學生打電話給我，告訴我他參加區隊的教練很忽視他。我問他什麼情況。

他說他已經參加訓練三次了，阿Sir 卻沒有對他有任何評價，像不理他一樣。

我說：那你有沒有問阿Sir 你的表現如何呢﹖

他說剛剛問了，那位區隊的主教練說："我唔知喎。"

我覺得真係幾離譜。

今天又有一位教練打電話來問我："C sir 學界球證同籃總球証有沒有關係的﹖為什麼學界球証俾籃總的大牌教練罵都唔出聲，但係我地一出聲就吹我地技術犯規﹖"

這些投訴其實已經不是第一次，我聽到的真係唔少。

香港運動的行政問題，無獨有偶，投訴多都飛起。

我好多年前帶區隊，有個年輕人同我一直練波練到去比賽，但係籃總的人竟然在比賽那一天話佢無交錢無得比賽。

個 細路話用支票寄左 (只不過三舊水)，唔知會唔會係寄失左。咁小件事，我話即場補番得唔得，大會話現場唔收，要佢周一去籃總自己交。我話我保證幫佢交，可唔可以俾佢出場。我 話點解佢無交錢咁耐你地唔通知，要到比賽人地出左席你先唔俾佢參加﹖當時我同個場監大爆，我話咁可唔可以當場波我地輸左，但係俾佢打呀!

勝負有乜所謂，志在參與嘛! 大會話唔得。

忘記話你知，那位場監是資深教練，在教練班教波，基督徒，仲要係學校老師。其實要場監來做乜春﹖搵個看更識講：我係跟規矩做啫，就點哂啦。

那一位年青人可能有錯，但亦可能係郵局的錯，又或籃總的錯，無人可以證實呀!但係佢的一番熱誠，就因為呢d不知所謂的體育行政而遭到打壓。(之後佢有補番交錢!)

仲有，當年籃球青訓，要d細路遂一去到銅鑼灣交$20，你住天水圍都要去，痴線，車錢時間都唔止啦，但係呢個係規矩，你吹得佢漲嗎﹖但呢d係好多年前的往事了，今天有沒有改善我已不得而知，因為我退出了這個江湖。但係能夠做什麼呢﹖

當制度發生黑箱作業，人治，小圈子的情況不斷惡化，我覺得就是殺雞取卵。

香港運動界的前景真是可悲。

有時候我不禁問上天一句，為什麼要告訴我﹖What can I do?