火滾的教練

今天去教波，有2位新同學加入，他們的技術比我教的一般B Grade 同學稍好一些，但態度卻有點問題。

我叫他們射波，位置是禁區邊，他們則射3分。

我在說話時，他們就講野，拍波。

我給他們意見時，他們就說知道，但動作照舊。

我問老師點解上次幾好波的那位中四同學唔見左，老師說他今天發脾氣在班上和老師吵架，所以放學就走左。老師很好地告訴我今年可能都唔好預佢打校隊啦。

我告訴老師那2位不大受教的同學的情況，老師說其中一位已是A grade ，不過他主動想跟操，所以俾他入來，如果搞事，那就下次唔好俾佢來。

我說，只要佢地肯改，都應該俾機會佢。

但我真係估唔到，原來他們是主動問老師要求要參加練波的。

最後我在一大班人面前問那位同學為什麼他會去射3分，他的回應是："我想射。"

另一位同學則較為乖巧，他說："阿Sir 你無話唔俾射3分呀!"

這個中學是Band 1 學校來的。

我問大家點解會有毒奶，同學回答說："d人自私，淨係諗自己。"

我問那兩位同學知唔知點解我要大家射2分﹖

因為如果你2分都唔夠力射，一開始就去射3分，姿勢動作只有更差。

我問："如果其它同學看見A grade 的同學可以射3分，咁其它同學會點﹖"

我問："大家知唔知3分線會向後移一尺﹖變成同NBA的3分一樣﹖點解我唔教大家去中線射波﹖"

我問："點解要有老師來教波，點解你唔去街場打﹖你做乜都得。"

他們無聲出。

我最唔明係一個問題："點解我要火滾﹖"

我教左咁多年波，講真呢d人都係九成無得救啦。

但我內心就係放唔低，仲係想佢地會醒下。

一路駕車回家，一邊在想，下次佢地會唔會來呢﹖

會唔會有更好方法去使他們醒覺呢﹖

其實九成的學生都是努力的，但他們不知何為認真，

他們只是在洪流中被推著走，

打波，大部份的學生都係："駛乜咁認真呢﹖"

要改的，可能是我，但對不起，我應該不會改變，因為我緊張他們，所以我火滖。