點解我教波要收錢，因為我要靠我的一雙手

香港從來都無人私人教籃球的，或者絕少，原因同教練能力、籃球本身係一種隊制項目，仲有籃球的街頭文化有關。

我開始私人教籃球的時候，我就諗點解教琴可以收$300一個鐘，教籃球一個教十幾個，卻只可以收更少﹖我又想起游水同網球私人教都收$300 一個鐘，籃球點解無巿場﹖仲有，就算中五學生幫人幫習，都收$150 一個鐘，籃球教練就係一個 cheap 到爆的行業。

今日在世界上有什麼是有價錢，其實並唔係關係你付出多少，又或有多少能力，而是你的關係，你的人脈。

如果我唔選擇埋堆，而我又唔係出身上流社會，咁樣我就會搵唔到食。如果我住屋村，識唔到d國際學校的家長，又唔同體育總會搞關係，就算我打港隊、又或者拿哂獎，都唔會有人俾我教波。

這就是第三世界國家的情況，緬甸的孩子不緊張讀書的，因為他們要找工作是靠關係，而不是能力。

昨日去朋友的女兒的生日會，看見有一些會所的單張，私人教波，乒乓球、羽毛球收 $500 一小時。

教籃球我收$300，好多電郵話我係一個唔好的教練，點解教波要收咁多錢。

我都唔知點答佢，唔通話俾佢知，我都要開飯，我都要交租﹖就算我話俾佢聽，佢只會覺得我係一個差的教練，因為我收錢，而且在他們心中覺得我收得好貴。

一個 speed cam $7500.-
一套 Xp professional $1480.- (用來set web drive)
一部手提電腦 用來即時 play 番d片俾學生睇 要 $6000.-

還有許多的器材，紀念品，書籍，其實都真係認真唔少野。

每次我安排訓練都要去訂場，要花時間諗教案，重溫學生的檔案，整理攝錄後的影片，遂一條片睇，上載電腦，還有答客戶的查詢，仲有那些花在背後設計訓練計劃的心思，當有唔懂得的東西又要找資料去解決，上網維護和建立電腦系統，全部都要精力。

有人以為教波好容易，一個小時收$300.- 陪下客人打波就賺到。

I am sorry, 你並不知道我背後的付出和努力有多少。

而今天，我相信我可以告訴你一件事實：唔靠關係都可以搵到食，不過係食多食少咁解，但係我開心我能夠做一個正直好人，靠自己一雙手。